荷甲啱啱喺周日煞科，我求大俠身為阿積士球迷，就睇到好心噏。皆因阿積士衰收尾，作客尾二嘅迪加史卓普喺領先一球下，竟然被逼和1:1；加上一路同分但得失球差落後嘅燕豪芬作客3:1擊敗施禾利，最後燕豪芬順利衞冕（圖），而阿積士又要做「阿二」！唔好話我馬後炮，賽前傳出阿積士教頭法蘭迪保亞（小圖）有興趣執教華倫西亞同愛華頓，我已經知擇使，試問咁樣阿積士嘅軍心又點會穩陣呢？
