法國球員工會周日宣佈，今季29場法甲射入35球、並帶領巴黎聖日耳門（PSG）喺聯賽四連霸嘅射手伊巴謙莫域，力壓隊友迪馬利亞、馬賽中場狄亞拉同尼斯翼鋒賓艾化，再度榮膺法甲最佳球員，並成為史上首位三度贏得呢項殊榮嘅球員。不過，呢位34歲瑞典前鋒季尾約滿PSG後，就好大機會重返AC米蘭，因為佢自爆喺2012年係被迫離開AC，到𠵱家仲係咁愛呢支意甲球隊喎！