赤柱蚊患勁過巴西？唔係講笑，里奧滑浪風帆男子RS:X代表鄭俊樑（Michael），噚日同女子組代表盧善琳喺赤柱見傳媒，眼見佢雙腳滿佈蚊赧，到夜晚已啟程去里約熱內盧集訓兼比賽：「我真係覺得赤柱多蚊過巴西囉，去過幾次巴西，都唔覺好多蚊，所以唔太擔心當地嘅寨卡病毒。」盧善琳要遲幾日先出發，事關佢上月喺法國比賽中因為右肩發炎而退賽，目前已經冇乜事，有信心以最佳狀態戰里奧。