【專題籽：見工大全】
畢業生磨拳擦掌準備CV、日日自問自答練習見工技巧之時，總會迷惘，唔知呢啲應唔應該做，又唔知嗰啲使唔使準備；正所謂行有行規，同一條問題問唔同行業僱主，答案都會有好多大差別！今次就請來三位分別來自會計界、廣告界同電視台的負責人，解答吓一班大學生的疑難。
1.CV需要貼相嗎？
Ivy：我想這個取決見工者自己本身選擇。
魯：in模特兒要，其他唔使。
Stephen：需要貼。
2.CV需要寫樂器演奏級數及興趣嗎？
Ivy：有某些興趣或音樂造詣，會否有特別優勢？在我來說不是的，我們最主要是看他怎樣分配時間。例如有位見工者有很多嗜好，出水能跳入水能游學業又有卓越成績，就可以反映得出他在時間分配上做得較好。
魯：都唔使喎應該，興趣是「工作」就可以寫。
Stephen：CV係需要寫興趣同演奏級數。
3.生得靚見工是否有着數？
Ivy：我們請人時是看多方面的經驗、學歷、他怎樣打發時間等，所以是多範疇的。
魯：梗係有！
Stephen：生得靚見工係有啲着數，但我一世都enjoy唔到呢個着數！
4.穿戴名牌能否增加個人品味而加分？
Ivy：我想我是專業的界別，在我的角度來說，應徵者穿着得予人有專業感覺、整潔就已經足夠。
魯：除非in嗰個牌子，如果唔係應該不會，我都冇帶名牌袋喎。
Stephen：我唔知甚麼是名牌甚麼不是，所以沒所謂啦，哈哈！
5.應該寫expected salary嗎？
Ivy：很多僱主在招聘前已經提供這個資料，預期薪金對於畢業生來說未必有太大關係。
魯：唔使啦。
Stephen：CV上未必需要寫expected salary。
6.當僱主問：「你還有甚麼問題嗎？」的時候，我應該問還是不問？
Ivy：這個真的取決於見工者本身有沒有問題想問。
魯：你真係有問題就問，你真係冇問題唔好夾硬問。
Stephen：點都要諗啲問題去問。
7.甚麼時候可以詢問職位的晉升情況和發展前景？
Ivy：這問題我覺得是很好的，因為你身為初入職的人，如果不清楚或不知道工作發展和前景，問這個問題是絕對正確，亦表現到你在該行業的期望。
魯：唔應該問，但應該問自己。
Stephen：唔介意問晋升同前景，因為都係一買一賣，但最好大家傾熟啲先。
8.面試時手機應該放枱面嗎？或枱面需不需要放甚麼「道具」例如筆和筆記本等？
Ivy：你要集中精神聽人問你甚麼問題，然後解答，如果有其他事情影響到你注意力，令你不能集中，我就不建議了。
魯：不應該，除非你見緊嗰間公司，就係用緊嘅手機啦。文具唔應該放啦，作家可能要。
Stephen：如果見廣告的話，通常都會放部電腦喺度，準備show portfolio。
9.面試後需要給公司或未來僱主電郵一封Thank you letter嗎？
Ivy：這個是同學自己決定，沒有必要或不必要的。
魯：會唔會假得滯……
Stephen：見工後send thank you letter係好有禮貌嘅表現，但我唔強求。
10.Portfolio是否越多越好？全部帶去面試？
Ivy：我公司有標準申請表格給同學填，表格已涵蓋我們想要的資料，所以在我來說，沒需要特別在面試時拿出資料。
魯：梗係唔係越多越好，梗係越好越好！
Stephen：見工唔係越多portfolio越好，越多反而令僱主會有越多問題問你。最好精選啲，揀啲show到你優點嘅portfolio。
記者：李聰、容慧心
攝影：陳永威
編輯：陳漢榮
美術：吳子豪