一講財仔界女神，除咗環球信貸（1669）主席王瑤之外，仲有邊個？米蘭站（1150）創辦人姚君達私人嘅財務公司「發達太太」（Yes Lady）總經理董健詩（Priscilla）都幾靚女㗎！
Priscilla比較少見傳媒，早前出席物業融資協會活動，表現得比較怕醜。佢話，之前係做銀行，後來轉去財務公司，現身兼物業融資協會嘅秘書，平時要為業界發聲。佢指，發達太太近年少見傳媒，係低調咗，早前傳過公司要上市，實情係暫時冇呢個計劃。
Priscilla如此斯文靚女，下次可以同王瑤一齊孖住出嚟，為業界發聲，肯定吸引到啦啦隊捧場。