歐鎧淳今次出戰馬來西亞游泳錦標賽絕對不枉此行，連同噚日200米背游出平自己紀錄嘅2分11秒60奪冠，「美人魚」總共攞到五金，包括50米、100米同200米背，同埋兩項接力賽，最重要係佢喺奧運項目嘅100米背泳游出1分00秒48，同里奧A標只差0.23秒，加上佢喺里奧B標排位升至第八，好大機會可以出戰里約奧運。至於同場已達奧運A標嘅鄭莉梅，就一人獨攬六金，係港隊大贏家。