立法會選戰未正式開打，網上抹黑工作已經停不了。資訊科技界嘅議席，上屆立法會選舉畀公共專業聯盟莫乃光（Charles）當選，呢個界別之前已不時傳出有親建制團體涉「種票」或者超低價收會員等，今次又有疑似抹黑新招。
或有人為抹黑試水溫
Charles同八方講，最近發現網上有篇題為「同公司老細搞咗嘢 真係返唔到轉頭……」嘅文，講辦公室不倫戀，但就上載咗Charles出席活動嘅合照。佢話，可能係有人用罐頭文加相，試驗抹黑材料嘅傳播效果，已有心理準備類似情況會繼續發生，但由於上載有關圖文嘅非真正新聞網站，就算投訴都唔會理，認為「種票階段過了，抹黑期開始了」。