去年醉駕撞車的𡃁模盧頌之（DaDa），經一事長一智，已戒蒲戒爛玩，她早前已趁真君誕在青衣開檔賣豬肉丸，高𥧌期日賣400碗。食髓知味，DaDa前日趁天后誕再在青衣戲棚開檔賣豬肉丸，為期5日，每碗豬肉丸賣20蚊，她舀湯手勢亦十分純熟。
DaDa去年曾在戲棚賣過燒菠蘿和菠蘿特飲，今年孖朋友轉賣豬肉丸，她昨接受電話訪問時說：「我哋啲豬肉丸係搵澳門一間手打嘅來貨，咁我哋就現場喺檔口用豬骨湯煮。」𡃁模裴殷（A.Lin）前晚落去幫手，兩個靚女做生招牌帶旺場，DaDa表示前晚首日開檔，賣了約200碗。
採訪：陳杰