演藝事業嘅路不易走，有錢人唔夠人緣亦未必容易大紅大紫，麥浚龍與王梓軒就係例子。普羅大眾覺得富二、三代唔憂柴憂米，做演員紅唔起都唔會餓死。Jocelyn爸爸蔡冠深反而經常提佢：「屋企有錢唔等於可以養你成世」，佢都明白爸爸擔心佢喺演藝圈搵唔到食，照顧唔到自己。蔡冠深亦知男人靠唔住，Jocelyn話「爸爸成日話，如果女仔冇賺錢能力，就會搵個有錢老公，但男人靠唔住，就算個男人幾錫你都好，女仔一定要獨立」。其實蔡冠深呢個睇法，放諸四海皆準。