英國《太陽報》日前爆料，指美國不敗拳王美韋達諗住復出，同愛爾蘭格鬥王麥基格打番一場。美韋達嘅爸爸亦證實呢件事，不過冇開名話係邊個，強調係box唔係fight，換言之即係如果對手係麥基格，佢將以拳手身份同美韋達打。麥基格雖然係打MMA，但佢瓣瓣都識，而且只得28歲，比美韋達後生11年，所以肯定有得抽。如果成事，估計呢場會係一億鎊之戰。