公民黨主席余若薇再次添孫。Audrey嘅次女胡凱琳（Cheryl）2013年出嫁，阿女喺2014年佔中前一索得男，Audrey首次榮升做外婆。未夠兩年，阿女再次有喜，今個月為Audrey再次添孫，今次仲係孫女㖭，湊埋一個「好」字。相比三年抱兩，Audrey今次「唔使兩年就抱兩」真係犀利。
相當開心嘅Audrey喺母親節前，上載與孫女嘅合照上網呃like，人人爭相向佢道賀恭喜。Audrey又話，噚日母親節，一早就去拎啲湯水畀剛生完B嘅阿女同探吓孫女，之後再去拜祭今年剛逝世嘅母親，夜晚就同奶奶食飯。