「賭王」何鴻燊二房公子何猷龍有「小賭王」稱號，佢旗下新濠國際（200）出本企業責任報告都要有賭嘅元素，有兩版好似康樂棋咁嘅棋盤，旁邊有圖案可剪出嚟，摺骰仔玩，又幾過癮。聞說何猷龍一直好重視呢本報告，想人真係用心望望佢哋公司對社會做過乜，唔想人拎完就掉，所以製作精美少少。何猷龍會幫手度年度主題，設計團隊就跟住去做。今年以棋局做主題，就係襯番新濠嘅娛樂博彩業務。