歐國盃將於下月開鑼，不過意大利同德國上周五同時傳出壞消息：效力巴黎聖日耳門嘅馬高華拉堤（圖）已經提早收「咧」，將會喺本月16日接受腹股溝手術並需要休養八周，呢位23歲中場肯定無法喺歐國盃為意大利上陣。至於效力多蒙特嘅根度簡，就因為右膝受傷而收「咧」，無法為德國出戰歐國盃；而呢位25歲中場今次受傷，亦有機會令曼城放棄用2,300萬鎊（約2.6億港元）撬走佢。