各位孝順仔孝順女，又到母親節，諗好送乜比媽媽未？花，相信是必備的吧，但買鮮花又快謝又會海鮮價，既然如此有沒有想過以印花代替呢？
所謂印花，並不是在便利店買夠二十元，儲夠一套換公仔那些，其實是指3D打印出來的花，由於可以自行設計，或是在打印成品上加上句子，大大增添DIY味道！先說一部較小巧的MakerBot Replicator 3D打印機，比較適合放在家中桌面上用，用家要印一朵3D花，只需要在MakerBot網站內，輸入Flowers就會有不同選擇，而輸入Rose，亦會有相關設計圖片選擇。
大約一小時過後便會成功打印一朵玫瑰花，可以不同顏色物料打印，印出來後更可在上面加上「媽媽我愛你」等字句。成本方面不計打印機機身的話，一支花平均12元左右，網站內亦有其他不同的物品圖案可供打印。
除了印花給媽媽之外，亦可以簡單地用30分鐘，印了一個小小的牌，上面刻着Happy Mother's Day，媽媽相信都會頗開心。不過計我話，不論送真花還是假花，母親節最重要都係陪阿媽。
記者：方健銘