泰利（圖）效忠車路士18年，但都唔可以喺史丹福橋球場掛靴！雖然車仔冇打算同泰利續約，但呢位35歲嘅隊長覺得自己可以踢多兩年，亦都唔願意喺將來倒戈，於是有傳佢喺約滿後就會跟隨前隊友林柏特、杜奧巴同艾殊利高爾（A高爾）嘅腳步，轉戰美職聯。不過對於現時15萬鎊（約168萬港元）周薪嘅泰利嚟講，美職聯後防球員嘅人工可能真係低得過份，因為現時效力洛杉磯銀河嘅A高爾，周薪連4,000鎊都冇。