「美人魚」歐鎧淳（中）噚日喺吉隆坡出戰馬來西亞公開游泳錦標賽又破紀錄喇！佢喺100米背泳游出1分00秒48首名衝線，刷新咗自己保持嘅賽事紀錄同香港紀錄。其實佢喺比賽首日已經同鄭莉梅等隊友，喺4x100米混合接力中負責嘅背泳，游出1分00秒91刷新紀錄，今次距離奧運A標嘅1分00秒25只差0.23秒咋！而施幸余同陳健樂喺50米蝶泳亦分別游出27.34秒及27.63秒奪得冠、亞軍。