手機，相信係唔少孝順仔女嘅心水禮物之一，但你又知唔知母親大人對手機有乜要求？高規格？高CP值？簡單易用？定係芒大樣靚？Gadget Guy搵咗兩位真．媽媽嚟親身講吓對手機有乜要求，同時嚴選四部至啱潮媽用嘅手機，幫你收窄範圍。唔問唔知，原來佢哋用手機嗰陣都有唔少疑難，一於寫埋出嚟幫你拆解。今個母親節，唔好送完就算，不妨抽啲時間教吓媽媽點樣用，咁先夠乖仔㗎嘛！
電台DJ細so（蘇耀宗）的太太陳穎楠（阿Wing），大仔已有兩歲，正懷着第二胎，既是潮媽也是孝順女，認為送手機給長輩最重要是溝通，「試過買紅米Note畀媽媽，佢用咗唔夠一年就想換，佢見到我哋個個都用iPhone又跟住話要換。第一部smartphone可能仲未識咁多，但用耐咗，佢就想拎部靚機出嚟見吓朋友。」再老一輩的嫲嫲則更有個性，明言非摺機不用。
要粉色要防水 加芒貼顯心
至於阿Wing自己，除了大芒，最好兼具防水功能，因為經常要邊煮食邊用手機看食譜，「𠵱家用緊iPhone 6s Plus，但覺得Z5 Premium嘅粉鑽色吸引啲，因為比iPhone嘅玫瑰金粉一啲，比較少女。」其實Samsung J7亦有粉紅版本，但三種粉紅色有明顯差異，就算媽媽要求粉色手機，最好還是陪她親身看看，免得買錯。
另一位受訪媽媽袁潔齡（黃太）任職文員，有一個廿多歲的兒子，如今用的iPhone 5便是對方送的，「因為我唔鍾意用大機，阿仔就話不如畀呢部我。都唔會介意用舊機嘅，佢送畀我嗰陣又貼晒芒貼加埋殼，都有心思㗎。」看來一眾子女甚至爸爸亦可從手機配件着手，為手機資源增值。新機方面，黃太說喜歡樣子平實和電量特大的Zenfone Max，因為最怕手機沒電。
本來以為女士挑選手機，必定着重影相功能，但兩位媽媽在試機途中，基本全程只看外形，不只沒有測試攝影功能，它們的處理器型號、RAM數、有效像素一概不知，她們異口同聲地道揀手機從不看機能，所以不要再向她們拋數字了。
4K旗艦機【Sony Xperia Z5 Premium】
屏幕：5.5吋（3840×2160）
主相機：2,300萬像素
前置相機：500萬像素
內置容量：32GB
售價：$6,398（a）
顏色：銀、黑、金、粉鑽
賣點：最新推出粉鑽色配Hello Kitty手機主題，鏡面玻璃機身用上較少女風的粉紅色，比一般玫瑰金更適合女性用家。機能方面主打4K解像度靚芒，煲劇一流，也有防水防塵功用。
抵玩大電量【Asus Zenfone MAX】
屏幕：5.5吋（1280×720）
主相機：1,300萬像素
前置相機：500萬像素
內置容量：16GB
售價：$1,499（a）
顏色：黑、白
賣點：5.5吋720p屏幕、雙sim卡、5,000mAh大電量，這些數字媽媽未必懂，但如果她經常投訴電量不足，這部抵玩新機是個不錯的選擇。
中價靚款之選【Samsung Galaxy J7】
屏幕：5.5吋（1920×1080）
主相機：1,300萬像素
前置相機：500萬像素
內置容量：16GB
售價：$2,450（a）
顏色：銀、金、粉紅
賣點：性能和Zenfone MAX相約，一樣是5.5吋大芒雙卡，但用了金屬機身兼有粉紅色選擇，3GB RAM跟1,080解像度屏幕，性能也算不俗。
上季平價機【HTC Butterfly 3】
屏幕：5.2吋（2550×1440）
主相機：2,020萬像素
前置相機：1,300萬像素
內置容量：32GB
售價：$1,720（b）
顏色：藍、紅、白
賣點：如果媽媽不介意的話，上年推出的手機更符合經濟效益。HTC Butterfly 3外形走日系風格，鮮紅色機身較為罕有，還有生活防水，現價不過二千，抵玩。
（a）各大電器零售店
（b）三禾電器 旺角先達廣場1樓F33
媽媽5大手機疑難
不論阿Wing還是黃太，換機時都遇過不少困難，當中操作頗為複雜，為人子女不妨代勞解決以下5大難題。
【一.點過WhatsApp對話紀錄？】
iPhone換iPhone或Android換Android，只要用回同一個的iTunes或Google賬戶即可，在此略過不提，主要針對轉會用家。
iPhone轉Android
相對容易，先要安裝兩個軟件，在電腦或Mac安裝iPhone Backup Extractor，以及在Android手機安裝WazzapMigrator，步驟如下：
1.首先以iTunes為iPhone資料備份到電腦，不要選“iCloud”及「替iPhone備份加密」，要按「立即備份」。
2.在電腦下載及安裝iPhone Backup Extractor。
3.在Backup Extractor內，能夠找到步驟1的備份資料，順序按以下選項：Select Backup、App View、WhatsApp Messenger、All Databases。
4.選取“Extract”，把檔案儲存到電腦。
5.在電腦上會看到3個名字含“sqlite”的檔案 ，把它們抄到新的Android手機，任何位置皆可。
6.先在Android手機安裝WhatsApp （同一電話號碼），然後再安裝WazzapMigrator。該app提供免費的Lite版及付款版，Lite版不能轉移圖片、影片等多媒體檔案。
7.開啟WhatsApp，不要進行任何驗證，然後開啟WazzapMigrator， 按“Select iPhone Archive”。
8.轉換完成後要重新開啟WhatsApp，便會自動恢復你的對話記錄。
Android轉iPhone
除了jailbreak（越獄）沒有任何免費方法，可利用收費軟件如Backuptrans幫手，進入該官網下載“Android iPhone Whatsapp Transfer+”版本後按指示完成操作即可，售$232.36。
【二.點過聯絡人？】
聯絡人比WhatsApp紀錄容易，先說Android轉iPhone，在Android手機下載Move to iOS，再按iPhone設定內的「從Android轉移資料」，然後循指示便完整轉移聯絡人及相片等資料。iPhone轉Android則較複雜，可使用My Contact Backup，選“backup”，app會發送一個VCF檔案到email，以Android手機打開VCF檔案就可完整備份聯絡人。
【三.iCloud成日無位備份，點算？】
免費iCloud只有5GB容量，爆位是常識，不如轉用其他備份app，例如Google Photos，選擇「高品質」的話能無限備份相片。
【四.點樣cap圖？】
唔係講笑，iPhone用家覺得㩒兩個掣作屏幕截圖很簡單，但Android則各個牌子也不同，HTC慣例是開關掣加減音量掣，Samsung則是Home掣加開關掣，送機前要講清楚。
【五.好驚爆data？】
可在WhatsApp「設定」的「數據用量」關閉自動下多媒體，另外在facebook「設定」的「影片和相片」中關閉影片自動播放。（Android版在應用設式設定就可找到「自動播放」一項。）
記者：司徒港燊
攝影：徐振國、楊錦文
編輯：陳國棟
美術：黃創泰