很多馬迷當華將湯智傑冇到，一見他的座騎即刪去買少隻，偏偏湯智傑這天卻十分爭氣，接連上名，係佢今季首次於一日個賽日內，多於一駒入三甲。
原來湯智傑繼3月13日「天長地久」得亞軍後，已15個賽日冇座騎跑入前五名，一直零獎金收入，直至這天終於打破悶局，第二場四班1600米張奧偉盃，策「神威福將」快放殺入第二，只不敵「駕喜」，湯智傑個人分得8,800元獎金。
到第三場二班1000米直路賽，湯智傑策74倍全場最冷的「精算率然」，憑頑強鬥志騎足全程下，拼得一席季軍，距離頭二馬「朋友仔」、「發盈喜」只半身位，湯智傑個人分得約9,500元獎金，連同「神威福將」之8,800元，共得18,300元。
幾日前湯智傑話不申請下季騎師牌照，唔知現在會否改變主意呢？