【本報訊】今日的香港，年輕人不止走上街頭，更要踩入議會抗爭。兒子參選立法會，當母親的自言不懂政治，「我以前就希望佢打份工……收工返嚟我喺屋企煮飯就ok啦。」但兒子選擇了，這位媽媽不止用住家飯支持，也挺身表態，「我希望佢心想事成」。
羅冠聰是新成立政黨香港眾志主席，「佢成日都話好忙，好多嘢做呀！」聰母說，希望兒子多陪陪自己，每次羅回家吃飯，都準備對方愛吃的食物，「佢返到屋企第一聲就係：媽子我返嚟喇，我肚餓喇，有冇飯食呀咁樣。」
政治是兒子的戰場，聰母多次說不懂政治，但其實她會上網看新聞，也玩facebook，今次站出來表態支持兒子參政，也有心理準備面對公眾對兒子及自己的批評。但這位母親說，這些都是旁枝末節，最擔心是兒子的安全，「你講梁振英唔好、大陸唔好，好似銅鑼灣（書店事件）咁，分分鐘俾人笠咗去。」
早前立法會議員葉劉淑儀指，議員薪酬高才吸引年輕人參政，聰母對此嗤之以鼻，「參政係好辛苦，我係知道嘅。」她說，「我自己唔會稀罕佢呢啲嘢，最重要係佢自己興趣，唔係要佢搵咁多錢，最緊要生活開開心心。」更反斥對方「你幾十歲仲霸住個位，唔畀後生去發展」。
有父母縱然認同子女立場，卻不希望對方站在最前線，記者問聰母是否一樣，她沉默一下才輕輕道：「係人都有啲自私。」她說，以前也反對兒子從政，「從政我哋玩唔過㗎！」現在願意支持，是因為這是兒子的理想，心底其實也認同他的立場，「我叫佢放膽去做。」
■記者伍雅謙
