未來兩次日賽（7日及14日）均安排在周六上演，容天鵬馬房值得優先留意。
雖然容天鵬成績位處中游位置，不過單計周六賽事成績，近兩季此廐共勝出14Win，僅次於蔡約翰而已，似乎練者特別喜歡在周六賽事出擊，今期更將一對實力馬「霸氣」及「安闖」交由莫雷拉上陣，可以作為捧場重心。
第八場三班1200米泥地之「霸氣」雖然今季六戰未嘗一勝，不過上仗角逐同程，以極快步速領放，末段仍可保位一席季軍，反映踏入季尾階段狀態已見復蘇，更難得今次由莫雷拉重新接手，人馬以往合作三次全勝未輸過，亦是唯一曾合作贏馬之騎師，故劍重逢可望有更佳發揮，等番泥地1200米打王牌報名上陣，睇部署有心贏番場。
至於第四場四班1800米草地之「安闖」，以往在高伯新馬房時，由莫雷拉騎過一次即入Q，人馬合拍不用懷疑，轉投容天鵬馬房後屢拼未能出頭，今次搵番莫雷拉執韁，出爭兩戰獲一亞一殿之田草四班賽，有力贏馬開齋。