喺聯賽第二輪擊敗過南青嘅福建，噚晚喺修頓舉行嘅甲一只要贏埋飛鷹（白衫），就好大機會爭取前四名入季後賽。不過，飛鷹上半場落後13分下憑住頑強氣勢反勝福建82:76，目前兩勝一負。為飛鷹攻入全隊最高13分嘅羅文光話：「大家都知道今場輸咗，基本上冇得入四強。最後做到部署，得到呢個分數好滿意！」頭場永倫以98:72擊敗晉龍，聯賽四連勝。