貪曾不斷複製進化，最新獻世者，是被一哥前一哥後恭維，跟狼凸拍住上，無悔施放87枚催淚彈那位。
一哥被叮，打回原形，催淚彈唔可以撈飯，要養家供樓，只好投靠商家搵食。以下是一哥真自辯／自便：調查機構指退休後要有安全feel，銀行點都要有六百萬以上。我揸住碌警棍幾十年，鑊鏟拎唔起，轉型做的士佬都難。好彩蔣氏睇得起，叫我做策劃師。老婆問即係乜？即係禮儀師咯，專幫闊佬死人化妝！有乜衰嘢，細佬我自動波幫老闆揹鑊！老婆要面，叫我唔好做，勸我打電話俾狼，請佢指點財路。算死草到連手提行李都唔肯DHL過去美國，夾硬質空姐質到人喊，條友咁cheap，點會益我！我都想過做義工，扮清高。但問過社企，佢哋好認真咁講，人工真係只得一蚊！咪玩啦，咁即係等於叫我去食屎！
記者挑機，話我走數，挑，正一天方夜譚！我未驚過，人為財死，無畏無懼！記者唔使追查，我無BVI，如果有離岸戶口咁富貴，WTF，仲使服侍姓蔣個喪婆！