【本報訊】有工程界人士質疑，政府將行人路地磚罅隙以膠水填滿（圖），破壞地磚鋪行人路，可以半滲水及循環再用兩大功能，更可能令有關路段增加水浸風險。
有知情工程界中人向本報解釋，路政署用來填滿添美道及港灣道行人路地磚罅隙的膠水，英文名「joint stabilizing sealant」，行內人俗稱「唧膠」，「即係喺個縫之間唧啲膠」，只需個多小時就凝固，除可以減低青苔生長，「唔會咁容易俾人撬走」。
工程界黎廣德指，如此加固行人路石磚，有違當日以地磚鋪路兩大工程原意。黎指政府以地磚鋪行人路，其中一個原因是想做到半滲水效果，一旦封死地磚罅隙，即失去去水功能，增加水浸風險。黎又指用地磚另一考慮，就是日後易於移走作循環使用，現在做法令維修時只能打爛地磚。他質疑政府謂加固地磚說法為政治而扭曲專業判斷，「如果要唧膠先鞏固到啲磚，係咪全港地磚都要唧晒？」
■記者林俊謙