被巿民謔稱CCTVB嘅無綫新聞部噚日又被網民圍插，事緣早幾日TVB報道一單五四運動97周年嘅新聞，內容話五四青年節係紀念1919年五四運動，當年大批學生、工人和民眾喺北京遊行示威，抗議一次大戰結束後，出席巴黎和會的「國民政府」代表沒捍衞中國利益。
眼尖嘅網民馬上指斥CCTVB報新聞斷估，又引經據典話全名「中華民國國民政府」嘅國民政府，1925年先成立，出席巴黎和會嘅係「中華民國北洋政府」，簡稱北洋政府；國民政府成立後一直同北洋政府互相對峙，直到1928年北伐統一全國後，成為唯一代表中國嘅合法政府。點知八十幾年後，被CCTVB「竄改」歷史，國民政府慘變賣國賊，唔怪得被網民鬧爆。
八方上網睇番CCTVB網上昔日新聞，當日晚間新聞已將「國民政府」改正為「北洋政府」。