乜嘢叫做「錯有錯着」？睇以下呢兩名英國消防員佐敦胡禮同巴鐸克（圖）嘅故事就知喇。話說喺舊年八月佢哋一人五鎊，諗住買李城喺英超開鑼戰擊敗新特蘭，點知佢哋畫錯飛，買咗李城奪得今季英超冠軍，賠率仲有成2,001倍，結果佢哋就因為咁而獲得20,000鎊（約22萬港元）嘅意外之財！胡禮話：「我當時以為係博彩公司開錯盤，李城贏新特蘭竟然有超過2,000倍，所以仲游說埋個friend巴鐸克一齊買㖭！」