本地籃球「三巨頭」之一嘅永倫，今晚七點會喺修頓室內場迎戰晉龍WTS。呢隊「黃金兵團」雖然失落銀牌，但喺聯賽已經先後擊敗勁旅東方同黑馬南青，上場仲輕取遊協達成三連勝。相反晉龍已經三連敗，面對實力有一定差距嘅永倫，要睇吓有冇奇蹟出現喇！同日8點40分開波嘅尾場，就由賽前兩勝一負嘅福建（白衫）火併一勝一負嘅飛鷹，兩隊一向係季後賽常客，但今季東方加入戰團，加上南青實力提升，所以要爭入前四打季後賽，呢場勝負好關鍵；福建目前形勢較好，因為佢哋已經贏過南青。票價50元、長者及學生優惠票30元。