減肥修身係女士們嘅終身事業，稱得上係銀行界私貸女王嘅華僑永亨信用財務總經理吳幗欣（Hilda）都唔例外，冇見幾個月，身形又fit咗，究竟有乜秘方？
Hilda出名係銀行界嘅靚女龍舟好手，以前參加過唔少龍舟比賽。不過呢排市道咁差，Hilda要絞盡腦汁，諗辦法搵私貸生意外，放假有時間都寧願去陪寶貝仔，佢今年唔想花太多時間去操練扒龍舟，一早決定唔參加下月端午節嘅龍舟比賽，最近半年仲轉玩跳舞做運動。
唔好以為外表斯文嘅Hilda係學社交舞，原來佢係去學最近好興嘅funky dance！呢種舞類似健康舞，唔單只音樂節拍強勁，動作都好有動感，Hilda形容，跳喺上嚟好似好儍咁，都係硬住頭皮跳。不過最緊要有修身效果箒。