鄺美雲（Cally）近年專注珠寶生意Cally K Jewellery，嚟緊會有新店，啱啱租咗中環乙級寫字樓砵典乍街10號一層單位做新舖，月租約係7.5萬元。喺中環用呢個租金租到呢個位置，算係筍價。
Cally今次租砵典乍街10號15樓全層，大約2,000方呎，呎租唔使40蚊，同上環、灣仔嘅寫字樓差唔多價。Cally接受查詢時就話：「間舖係開珠寶店用」。被問到租金合理與否、係咪睇好市道，佢簡單拋下一句「都OK㗎！」
Cally喺2000年成立個人品牌珠寶店，5年前喺中環開設品牌總部，以33萬元租用干諾道中50號中國農業銀行大廈近2,800呎向海單位。今次新舖月租只係總部兩成左右，唔知Cally係唔係乘機趁租金跌擴充呢﹖