NBA賽會早排通過咗，准許球隊由2017/18球季起可以喺球衣上落廣告，周三亦官方通報畀各球會，叫佢哋搵贊助。不過，唔係咩廣告都可以落，賽會明確規定任何涉及煙酒、賭博、政治同埋NBA指定贊助商嘅直接競爭對手都唔可以出現。計劃會先試行三年，暫時只容許開放波衫上一個大約6.4x6.4平方厘米嘅位置落廣告（圖），所以收入唔會太多，大約每年600萬美元（約4,680萬港元）。