主管港澳政策的全國人大委員長張德江將於本月17日至19日訪港，消息人士早已放風，指張此行不會和泛民議員獨立見面，有泛民中人笑言，有傳張此行是收集香港民意，但連一些建制中人也開玩笑說，張此行是「收集支持梁振英連任的民意」，據知泛民政黨雖然仍會向張遞交請願信，表明反對梁連任、重啟政改，但他們預計作用不大，「隨時連同張德江食飯，都搵成班人圍住泛民，（張德江）點會真係肯聽民意」。據知泛民有私下討論過會否爭取與張德江見面，又或向他交聯署信，但不少人反應冷淡。
建制放風 張撐梁連任
有泛民中人稱，建制陣營已有人私下放風，指張一直支持梁多做一屆， 「大家心知肚明，張德江係挺梁，佢又一向好左，梗係攬住梁振英，同佢反映意見根本冇大作用，不如慳番啖氣」，不過個別泛民政黨仍會向張交信，要求中央不要支持梁連任，以免社會再分化，「咁做係記錄在案，如果北京企硬挺梁連任，到時香港有乜事，責任全在北京」。
至於泛民會否出席梁宴請張德江的晚宴，據知部份泛民政黨只派代表，有政黨更加會杯葛，有人更揶揄晚宴根本如坐監，「按以往慣例，泛民張枱通常俾人安排遠離主家席，再搵幾個保安企喺附近，阻止泛民跑去主家席遞信或抗議，其實去唔去冇乜所謂，如果仲要選擇性邀請，泛民真係要諗諗有冇需要去」。
季陶
周一、三、五刊出