花絮：C朗表演拆你屋

基斯坦奴朗拿度（C朗）今場復出，自然想入波。踢到64分鐘比比喺右路傳中，始終中堅出波力水爭啲，C朗見個波高得滯，索性雙手擒住個波掉入網，如果係打籃球呢個「拆你屋」就真係精采，但踢波搞啲咁嘅嘢，球證話你蓄意手球醒張牌過你都唔奇。好在C朗當時處越位位置，拆完屋之後向球證示意話見越咗位先咁玩箒。C朗咁玩法，網民都唔執輸，將C朗惡搞大玩改圖，key佢去籃球場飛身入樽（小圖）。