馬體會除咗攞到今屆歐聯入場券之外，仲賺到盤滿鉢滿；據報計埋對拜仁嗰兩場四強戰，佢哋總共賺咗4,750萬歐元（約4.22億港元）；如果佢哋能夠喺本月28號喺米蘭贏皇馬捧盃，隨時多千零二千萬歐元。另外，佢哋教練施蒙尼周二助球隊淘汰拜仁之後，俾記者影到佢同個仔簡盧卡視像傾偈；施蒙尼事後亦承認，喺出線之後第一時間話畀個仔知自己隊波入咗決賽，同佢一齊分享喜悅。