香港眾志嘅羅冠聰同黃之鋒前年中聯辦外參加反白皮書示威，之後被控阻差辦公。佢哋噚日上庭，主控官傳召警長何國柱作供，點知喺引用何Sir啲證供時，主控官口快快將「六四維園燭光晚會」講成「燭光晚餐」，搞到在場人士忍唔住竊笑。事緣何Sir話事發前聯絡過羅冠聰4次，辯方話冇，何Sir仲話佢嘅警員記事冊有相關紀錄，主控官之後問何Sir：「記事冊記錄你喺六四維園燭光晚餐……對唔住，係燭光晚會聯絡過羅？」何Sir改口話唔記得聯絡羅嘅次數。旁聽人士都唔敢大笑，可能因為個官早就三令五申，叫大家唔好喧嘩。