前晚場歐聯四強次回合有好多名人去巴拿比奴捧皇馬場，包括參加緊馬德里網球公開賽嘅西班牙球手拿度，同埋塞爾維亞一哥祖高域；至於西班牙國王費利佩六世亦帶埋小公主蘇菲亞入巴拿比奴睇波，賽後仲走入更衣室，同皇馬班職球員包括沙治奧拉莫斯、C朗、巴利同施丹等一齊影大合照㖭。可能皇馬班球員見有皇室人員喺度，所以全部都有着衫有着褲，冇好似平時咁隨便，着條底橫就算。