李斯特城贏英超絕對係造福人群，估計博彩公司喺英國各地派咗1,500萬鎊彩金。其中有個叫利維泰萊嘅李城粉絲買愛隊贏冠軍，結果贏咗26,500鎊（約30萬港元）；而利維泰萊就話會用彩金嚟供甩部車、買樓做首期，同埋帶女友去希臘旅行。利維泰萊話：「我哋欠雲尼亞里同佢班球員太多，佢哋改變咗我哋嘅人生。」至於另一個叫卡莉殊馬卡普嘅粉絲，就用兩鎊贏咗一萬鎊；而佢話會用啲錢去旅行。