前律師會會長何君堯早前在facebook上載一張在法院內的自拍照，被指作為律師「知法犯法」，司法機構則稱已將有關事件轉交警方跟進及處理。何君堯於港台節目回應事件時，稱要就事件「閉嘴」，指要說的都已發聲明表達，希望大家明白完全他無任何機心或惡意，亦無任何對法庭不尊敬，「喺facebook分享工作同社交感受，做咗好耐，係有感而發，所以依家嚟講，既然大家有意見，OK，我就尊重大家，閉嘴先」。
他又說，暫未有執法機構與他接觸，若稍後有人與他接觸會交代清楚。被問到有否覺得行為有問題，何君堯說：「喺我角度嚟講，我已經做咗，亦無任何壞意識，亦冇惡意，喺嗰個環境，以往亦都喺其他典禮或輕鬆情況下進行，最緊要唔好干涉到administration of justice(司法)。」