姚本輝馬房最高分馬「包裝奔馳」剛於冠軍一哩賽有令人驚喜表現，喺強手林立之下，配巫斯義力拼入一席季軍，只係輸畀日本馬王「滿樂時」及「詠彩繽紛」。
「包裝奔馳」馬主李運強兒子李文斌和家人，本周二入馬房，探望幾匹「包裝」系馬。李文斌表示，賽後巫斯義猛同佢講多謝，因為李文斌喺排位朝抽籤儀式中，為「包裝奔馳」抽得一檔，可以沿途慳位兼有遮擋，係「包裝奔馳」能夠上名其中一個原因；同時亦令巫斯義分到7萬蚊獎金。
「包裝奔馳」由季初一直勇到季尾，可以話十分叻仔，李文斌透露此駒下仗將於6月19日，縮程跑沙田1400米三級賽精英盃，希望馬兒續有表現。「包裝奔馳」跑1400米曾經5捷，威力其實遠大過1600米，只係巫斯義不獲續約已離港，下仗必須換人上陣。