李斯特城創造神話，英超封王，唔單止英國傳媒關注，世界各地嘅報章都以大篇幅報道，例如日本嘅報紙自然搵李城前鋒岡崎慎司做主角（左圖），而意大利傳媒嘅焦點當然係領隊雲尼亞里啦，其中《米蘭體育報》同《羅馬體育報》都不約而同起題為「King Claudio（王者雲尼亞里）」（右圖）！丹麥報紙就將李城門將卡斯柏舒米高放上頭版，話佢取得瘋狂嘅成功；至於阿根廷報章就用荷西烏路亞嘅相去報道李城奪冠。各地傳媒果然都親疏有別，用番自己國家嘅球員或領隊做主角去報道！