如果想打入中國市場，「投靠馬雲」可能係其中一個方法。摩根資產管理喺中港基金互認制度下，首隻北上基金「摩根亞洲總收益債券基金」，已經係首批獲中證監正式註冊嘅三隻北上互認基金之一，亦係唯一一隻債券型北上互認基金。
雖然呢隻基金已經係跑贏同行，不過睇嚟仲想快人一步，於是透過內地合資公司上投摩根基金管理，拍埋阿里巴巴嘅關連公司螞蟻金服，用「螞蟻聚寶」平台，換言之，內地所有螞蟻聚寶用戶都有機會見到同買到呢隻新基金。
可以喺螞蟻聚寶平台賣基金，可以接觸到廣大內地用戶，但有幾多人買係未知數，皆因內地亦有大量投資工具，又有高息嘅P2P貸款，而近期樓價同商品不斷向上炒，亦吸引一大筆資金追逐泡沫。到底以摩根同馬雲嘅名氣，走去賣保守嘅債券基金，可唔可以令呢隻基金成功搶灘呢？