求驗客手記：連尼加找數底底係咩有得賭？

李斯特城贏英超，睇死佢哋攞唔到嘅英格蘭名宿連尼加要找數，講咗會喺下季首集MOTD淨係着底褲講波。有博彩公司就開盤估連尼加着乜顏色嘅底褲講波，最熱嘅梗係李斯特城主場波衫顏色藍色啦，只係得三倍，而波點款式則係34倍。另外，曾經短暫效熱刺嘅埃及肥王子美度亦找數，之前佢打賭話李城贏英超就剃光頭，家陣佢會喺本周末上電視直播剃頭過程。