特首愛女梁頌昕唔見一件行李，搞到阿媽大鬧機場，仲要搵埋老竇逼航空公司提供特別服務，破例送行李入禁區，這些機會就真係不屬於我們的了。不過唔使「我爸係梁特」先至可以咁威威嘅，有設計師就好有諗頭，喺眾籌網站INDIEGOGO放咗個最新嘅「CY Family Luggage Tag」行李牌（圖），標榜畀到機會凡夫俗子，分享梁特一家嘅光環，齊齊帶住特權去旅行。
行李牌上面寫明「我爸係梁特，請小心輕放，特事特辦」，仲大大隻字寫住「Priority」。設計師喺網站簡介仲話，專為想擁有行李特權嘅旅客而設，目標係將特首家庭嘅神奇力量發揚光大。產品百分百香港本土設計，籌款目標係689蚊美金，不過暫時就未見買家認投喇。