39歲嘅羅馬王子托迪前日喺意甲入一球，協助球隊喺意甲作客贏熱拿亞3:2，家陣羅馬（圖）以36戰得74分排第三位，仲有機會追到第二位嘅拿玻里而直入下屆歐聯分組賽。至於拿玻里同日喺主場對住阿特蘭大，憑希古恩梅開二度贏2:1，現以36戰得76分排次席，只係領先羅馬兩分。希古恩喺今季意甲入咗32球，勁成咁，唔怪得盛傳多間大會包括德甲拜仁慕尼黑想喺今夏簽佢啦。