體壇拾趣︰費達拿又因傷退賽愁爆

體壇拾趣︰費達拿又因傷退賽愁爆

費達拿(圖)今季真係傷病纏身!呢位34歲嘅瑞士網球手喺今季只係打咗包括澳網在內嘅三項賽事,之後就因為半月板手術同胃部受到感染而被迫退出四項賽事;佢喺周一宣佈,由於練習嗰陣拉傷背部,因此決定退出馬德里公開賽。費達拿仲話呢次觸及舊患,雖然傷勢唔算嚴重,但為咗安全起見,未必會出戰下周舉行嘅羅馬網賽。不過佢向粉絲大派定心丸,話自己會好好養傷,希望可以盡快復出。