這天沙田晨課焦點之一，乃潘頓太太Nicole與她的妹妹Sarsha到場，兩人在練馬師蘇保羅陪同下，齊齊搵潘頓探班，Sarsha明顯唔太熟悉沙田馬場環境，往機坪途中行吓停吓，要避開喺隧道口出出入入嘅馬匹。
Nicole與Sarsha兩姊妹都係典型金髮美女，兩個唔單止好似樣，仲好合拍，大家都係穿運動背心及貼身運動褲，加多－對NIKE跑鞋，充滿陽光氣息。
不過當時潘頓正值忙於為「友瑩采」等駒試閘，唔多得閒，但仍陪太太與姨仔傾咗幾句，期間潘頓仲搭住Sarsha膊頭擺pose，由Nicole負責揸機影相，非常開心。
講番「友瑩采」，3歲馬插入四班評52分，仍未上陣，但來港後已操了近半年，未停過課，並試過五次大閘，包括這天喺第四組1000米草閘跑第三，走勢唔錯，看來大有不好不出之意，希望部署一出即拼。