為慶祝英格蘭奪得世界盃50周年，英格蘭明星隊喺周一於烏普頓球場就同德國明星隊嚟咗一場表演賽，英格蘭最後就以2:7落敗。其實，英格蘭明星隊嘅陣容一啲都唔差，有門將占士、後衞里奧費迪南、中場安達頓及前鋒舒寧咸等壓陣，不過，德國都唔弱，把關嘅係列文，後防又有路禾尼、藍馬，中場則以波歷克壓陣，而前鋒就係波碧，其中德國嘅紐維利同埋巴列殊仲梅開二度㖭！