徐小鳳將於7月尾假紅館開騷，前日她拍片上網尋人，她希望尋回於其87年個唱上，在她巨傘裙底捐出來的10位小朋友，小鳳姐號令一出，李克勤、陳慧琳、任賢齊、梁漢文等幫手廣傳，短短24小時，已獲5位「小朋友」主動聯絡，連當年幫忙安排的幼稚園校長，亦留言指當年怕小朋友攰，每晚安排不同小朋友演出，會出力幫小鳳姐尋人。
小鳳姐知道好消息後說：「好開心好多謝全港市民朋友咁幫手，希望大家再繼續努力，幫我搵番班小朋友，到時我哋一齊喺紅館共聚吓。我真係唔知有幾多小朋友參加嗰次演唱會，如果真係有200幾人都好呀，紅館坐萬幾個觀眾，一定坐得晒㗎！」
撰文：皓騫