近期人氣急升之女見習騎師蔣嘉琦，剛戰又憑「超有利」及「萬事盛」起孖，不單連贏四期取七Win，而且更累積20場頭馬，由周三(4日)賽事開始升格只獲減七磅。雖然係咁，琦妹已騎起信心，今期座騎亦不乏實力份子，大可繼續取得佳績。
告達理是其中一位極力支持蔣嘉琦之練馬師，今季二人已合作勝出「滿貫豐采」、「閃電王」及「牛魔王」，三駒均是藉減十磅之利擺前帶到，今戰告廐又有「勁兔皇」交由琦妹接手，此駒一向前速飛快，可惜卻虎頭蛇尾，不過上仗初跑同程谷草1000米，已可捱回一席季軍，似乎已找到最佳出路，今次打王牌再攻同程，用蔣嘉琦比上仗少負八磅至113磅，力足帶到終點。
此外，文家良與蔣嘉琦上月至今合作八次半數上名，今戰二人獨合作頭場「威旺財」，此駒上仗初配蔣嘉琦即回復表現得季軍，原庄配搭再來，有機會贏馬開齋。