剛剛才說「新聞自由是香港重要基石」嘅特首梁振英，第二日卻變臉譴責《壹週刊》追訪其女兒梁頌昕，香港記者協會噚日就新聞自由替梁振英埋單，炮轟佢上任以來對新聞界犯下「十宗罪」，提醒梁振英自己上任前曾經簽署《新聞自由約章》，承諾捍衞新聞自由、推動制訂資訊自由法等。
記協力數梁振英上任超過1,400日嘅「十宗罪」（圖），首推係梁振英向資深傳媒人練乙錚發律師信、公開譴責《壹週刊》追訪其女兒、經常深夜發新聞稿、上任後警員襲擊記者、不點名批評有關「梁粉」張震遠、林奮強嘅報道「反智」等。記協話，多元、開放、自由嘅言論空間同採訪環境，與香港越來越遠。