隔牆有耳:阿鼎「出發」 網民玩續句 - 李八方

隔牆有耳:
阿鼎「出發」 網民玩續句 - 李八方

「呢滴眼淚係為香港而流!」呢句豪情壯語,如果大家唔善忘,應該記得係出自新東補選論壇、民建聯周浩鼎嗰滴點都谷唔出嘅「香港淚」。不過阿鼎志不在新東,補選只係跳板,係為今年9月立法會超區試票。
要選超級區議員,周浩鼎嘅全港攻勢開始嚟料,近日喺部份港鐵站已有佢嘅燈箱廣告(圖),以「周浩鼎為香港出發」為題,唔知係咪要呼應佢嗰句「為香港流淚」。廣告中,佢蹺埋雙手唔知望緊乜。有網民諷刺佢帶香港出發去西環,有人就話佢帶香港出發去火星。民建聯當年為劉江華諗嗰句「香港要贏」被網民續句為「劉江華要輸」,豈料一語成讖,相信網民今次一定唔會待薄周浩鼎。