李斯特城嘅贊助商、英國食品集團Walkers真有生意頭腦，馬上推出限量版薯片（圖）慶祝李城封王。呢款薯片包裝袋用咗金色做底色，加埋一班李城球員嘅威水相，球迷必食！之前李城名宿連尼加講過，假如李城拎冠軍的話，佢會除剩條底褲做節目；Walkers就藉呢單嘢宣傳限量版薯片，將連尼加個樣key落個半裸壯男度，而個壯男就拎住包薯片，海報底部仲寫話「倒數除衫」，叫連尼加快啲找數。